Scomence di Tresesin (Tricesimo) il secont modul itinerant dal cors in cont de tutele des minorancis linguistichis, inmaneât di bande de ACLiF, la Assemblee de Comunitât Linguistiche Furlane, e dal Cirf, il Centri Interdipartimentâl pal svilup de lenghe e de culture dal Friûl de Universitât di Udin. A Tresesin l’apontament al è a lis 6 soresere di joibe ai 28 di Novembar lì de sale dal Consei Comunâl in vie G.Ellero 1. Prosimis tapis a Tumieç, Palme. Spilimberc e Caprive. I contignûts dal cors a cjapin dentri lis ativitâts previodudis dal plan di politiche linguistiche regjonâl pe lenghe furlane, la disponibilitât e l’ûs di imprescj informatics che a favorissin l’ûs public de lenghe e lis pussibilitâts di intervignî a pro dai dirits linguistics dai citadins doprant contribûts e finanziaments publics. A tignî il cors al è Marco Stolfo, dotôr di ricercje in Storie dal federalisim e de unitât europeane. L’iniziative e je vierte a ducj i interessâts. Si è ancjemo in timp par notâsi metintsi in contat cul Cirf ai numars 0432/556480 e 0432/556486 o ae direzion di pueste eletroniche cirf@uniud.it.
Scomence di Tresesin (Tricesimo) il secont modul itinerant dal cors
