Moment fondamentâl par la Assemblee da la Comunitât Linguistiche Furlane (ACLiF), che miercui ai 27 di Mai a lis 6 sot sere a Udin in Palaç Belgrado e tirarà dongje i rapresentants di 154 Comuns di lenghe furlane par rinovâ lis incarghis pai prossins 3 agns.
In bal e je l’elezion dal gnûf President e dal Vicepresident, dopo che il sindic di Caprive Daniele Sergon al à finît il so mandât. Al ordin dal dì ancje la aprovazion dal consuntîf 2025 e da lis liniis di azion pal 2026.
Di meti in evidence che a la riunion a parteciparan par la prime volte ancje i sindics di diviers Comuns venits di lenghe furlane, dopo la adesion di Concuardie, Puart, Gruâr e Fossalte, che a van a zontâsi a San Michâl dal Tiliment, Tei e Cint: in pratiche dut il Friûl storic da la zone di Concuardie al è cumà dentri in ACLiF.
Il diretîf atuâl al è fat, dongje dal President Daniele Sergon (Capriv), ancje dal Vicepresident Franco D’Altilia (Palaçûl) e dai conseîrs Monica Feragotto (Glemone), Alessandra Vanone (Tresesin), Ornella Comuzzo (Tavagnà), Ester Filipuzzi (Spilimberc) e Gabriele Bressan (Puçui).