CU LA JENTRADE DI MANZAN, PUCINÌE, BUIE E CINT (CH’E PUARTE LA RAPRESENTANCE VENITE A TRE LOCALITÂTS)
PRESIDENT SERGON: “DIMENSION INTEREGJONÂL CH’E SLARGJE I NESTRIS ORIZONTS”
A cressin a 145 i Comuns aderents a l’Assemblee di Comunitât Linguistiche Furlane (ACLiF), nassude intal 2015 e uniche realtât istituzionâl ch’e met adun lis comunitâts dulà che si fevele e e je ricognossude la marilenghe. Dai gnûfs rivâts ancje Cint, Comun da la Citât Metropolitane di Vignesie ch’al fâs part dal Friûl storic. Une presince che si zonte a chês di altris doi municipis di fûr regjon, ven a stâi San Michêl dal Tiliment e Tei, ancje lôr in Venit. Cun di plui a son jentrâts inta la Comunitât i Comuns di Manzan, Pucinìe e Buie.
“O din il benvignût a chescj Comuns ch’a àn aderît di ultin. Adesions – al met in evidence il president da l’Assemblee Daniele Sergon, sindic di Caprive – che testemoniin che la lenghe furlane e je ancjemò un fuart element identitari par lis comunitâts ch’e son a stâ intal nestri teritori, no dome in Friûl Vignesie Julie ma ancje in chê bande di Friûl storic, comprindût intal vecjo Mandament di Puart, che cumò al è part dal Venit. Cussì ancje o tornarìn simpri a bati che fâ part da l’ACLiF e je une libare sielte dai Comuns, une decision ch’e nas e ch’e cres dal bas. Cheste dimension interegjonâl e slargje ancjemò di plui i nestris orizonts di promozion e tutele dal ûs da la lenghe furlane. O tirarìn dentri i gnûfs aderents intai nestris nostri varis progjets: cunvignis e cors di formazion pai ents locâi, scambi di esperiencis cun chês altris minorancis linguistichis d’Italie, iniziativis par judâ i Comuns a slargjâ l’ûs da la lenghe furlane e la cognossince da la culture, la poie a programs radiotelevisîfs e vie indenant”.
Par tirâ dentri ducj i teritoris di lenghe furlane, l’ACLiF al clame sot il so consei diretîf in maniere itinerante. “E un dai prossims conseis – al siere Sergon – al sarà in program juste intun dai 7 Comuns dal Venit dulà che la marilenghe e je tutelade. Al sarà un impuartant moment di incuitrni e di dialic”. Parsore a San Michêl dal Tiliment, Tei e Cint, difat, a fasin part da la zone tutelade ancje i Comuns di Concuardie, Fossalte, Gruâr e Puart: ducj i 4 a podaran, in libertât, cuntune decision dai lôr conseis comunâi, aderî all’ACLiF.
I Comuns aderents a l’ACLiF a son Dael, Damâr, Aquilee, Darbe, Darte, Dartigne, Davian, Basilian, Bertiûl, Bicinins, Buie, Buri, Cjamin, Cjampfuarmit, Cjamplunc Tapoian, Caprive, Cjarlins, Cjasarse, Cjassà, Cjastelgnûf, Cjasteons di Strade, Cjavàs, Cjavaç, Çurçuvint, Çarvignan, Cjopris Viscon, Scluse, Cint, Claut, Clauzêt, Codroip, Colorêt di Montalban, Comelians, Cordovât, Cormons, Cuar di Rosacis, Cosean, Dignan, Dogne, Dolegne dal Cuei, Feagne, Fane, Fare, Flumisel Vile Visentine, Flaiban, Forgjarie, For Davôtri, For Disot, Frisanc, Glemone, Gonars, Gurize, Gardiscje, Lauc, Listize, Lignan, Maian, Manià, Manzan, Marian, Martignà, Migjee, Medun, Merêt di Tombe, Mueç, Muimans, Monfalcon, Montenars, Morâr, Morsan da lis Ocjis, Mortegliano, Moruzzo, Mossa, Muzzana del Turgnano, Osoppo, Ovaro, Pagnacco, Palazzolo dello Stella, Palme, Paluce, Pasian di Prât, Paulâr, Pavie, Pucinìe, Pontebe, Porpet, Paulêt, Poçui, Prissinins, Premarià, Prepot, Ruvigne, Raviei, Reane dal Roiâl, Remanzâs, Resiute, Rigulât, Rivis Darcjan, Rivignan Teôr, Romans dal Lusinç, Roncjis, Rude, Segrât, San Denêl, San Zorç da la Richinvelde, San Zorç di Noiâr, San Zuan dal Nadison, San Lurinç Lisuntin, San Martin dal Tiliment, San Michêl dal Tiliment, San Quarin, San Vît dal Tiliment, San Vît de Tor, San Vît di Feagne, Sauris, Sedean, Secuals, Siest, Spilimberc, Talmassons, Tarcint, Tàrvis, Tavagnà, Tei, Tierç di Aquilee, Tumieç, Tor di Zuin, Vildisore (Tramonç), Vildisot (Tramonç), Trasaghis, Travês, Trep Liussûl, Trep Grant, Tresesin, Udin, Voleson Darzin, Vildivar, Vençon, Verzegnis, Vile di Cjargne, Vilès, Visc, Vît, Çopule, Zui.